Wie gee om?

Facebook snuif ou onderbroeke

2007-07-25T16:17:00.000+02:00

Maar aangesien ek hierdie onbeheerbare begeerte het om IN te wees, is ek nou ook in daardie eetsaal van demone te vinde onder die naam waarmee ek ook hier bekend is.

Onder dieselfde kinderagtige begeerte val ook hierdie blog se trek. Ek is baie lief vir blogger. Op 10 Februarie 2006 het ons liefde begin. Vandag verlaat ek haar en skuif na www.inderdaad.wordpress.com. Moontlik keer ek eendag weer terug. Intussen hoop ek dat dit 'n geseënde skuif sal wees...

Inter-blog skakeling

2007-07-19T10:56:00.000+02:00

Ek gaan die naweek by Freddy speel. Miskien fliek ons saam.

Vir diegene wat nou onmiddelik op hul perdjie spring en brom omdat ek nog altyd weier om met hulle te kuier, dis eenvoudig: Freddy betaal my. Easy peasy.

Die interessantste ding op Alicedale

2007-07-18T16:34:00.000+02:00

As jy ooit die kans kry om na Bushman Sands te gaan... sê net nee!

Sommige mense...

2007-07-16T11:51:00.000+02:00

... is net gelukkig as hulle ongelukkig is.
(Uit verleeeede week se PostSecret.)

My hartjie is nog steeds bly-y-y-y-y...

2007-07-13T13:38:00.000+02:00

want ek het 'n DVD gekry-y-y-y-y!

Op versoek van Freddie

2007-07-12T13:50:00.000+02:00

My hartjie is tog so bly-y-y-y-y-y-y

2007-07-11T11:59:00.000+02:00

Want ek het 'n CD gekry-y-y-y-y-y.

Sinéad O'Connor toonset Ou Testamentiese tekste. Wat meer wil jy hê?

Nasionale Pornografie Sondag in die VSA

2007-07-10T10:03:00.000+02:00

Dis eers in Oktober, maar ons kan mos nou al begin voorberei.

Veg teen die blou olifant in die kerkbanke!

As jy nie Pornogafie Sondag kan bywoon nie, kyk uit vir 'n Pornografie & Pannekoek geleentheid naby jou!

God in 'n Blikkie

2007-07-09T13:25:00.000+02:00

Ons sal ook enigiets bemark.

Een ding lei tot 'n ander

2007-07-06T13:58:00.000+02:00

Die vriendin wat sing vertel nou die dag dat sy en die geliefde dit gedoen het in die Vatikaan. Regtig. Hulle was op 'n toer toe die begeerte hulle skielik oorval het. Gevolglik het hulle 'n verlate plekkie gesoek en... voila!

So, ter viering van alle vorme van die liefde, vertel tog: wat is die interessantste plek waar jy al seks gehad/gevry het? LET WEL: Hierdie is nie 'n kompetisie nie! Dit is duidelik dat die vriendin wat sing reeds gewen het en die res van ons maar net gemoedelik ons wedervaringe kan deel.

Om die spreekwoordelike bal aan die rol te kry, sal ek begin:

Hugenote Hoërskool (Wellington) se skoolswembad.

En die Lammervanger het dit al in 'n vliegtuig se badkamer gedoen (volunteer ek maar, aangesien hy weg is.)

En jy?

Die kwessie van Lily weer besoek.

2007-07-05T19:08:00.000+02:00

Met die huweliksherdenking minder as 48 uur weg, dink ek dis 'n goeie tyd om weer te gesels oor Lily. (Vir diegene wat nie die sage van Lily ken nie - en ouer as 18 is - gaan kyk hier, hier en hier.)

Lily is wonderlik. Sy is beeldskoon, sag en pienk met pragtige kurwes. En in die hand van die Hoof van die Huis is sy 'n sleutel tot ongebreidelde ekstase. Maar in my eie hand is sy ongelukkig niks meer as wat my eie hand ook is nie.

Lank lank gelede het ek en 'n vriendin in ons maagdelike onskuld gewonder hoe seks ooit bevredigend kan wees vir 'n vrou. "Omdat mans strepies is, nie bogies nie", het my vriendin nog gewonder. Intussen het ek (tot my oneindige vreugde en plesier) uitgevind dat mans tegelykertyd strepies én bogies kan wees. En dis die ongeluk met Lily... sy's net 'n bogie.

Vir my volgende verjaardag wil ek dus Lily se ousus, Iris, hê.
En vir die verjaardag daarna (of vroeër, maak nie saak nie) hoop ek vir Gigi.

Now you know.

Kom kyk my show!

2007-07-04T13:21:00.000+02:00

Nee, myne!

Incredible how u can... c right through me!

2007-07-03T13:42:00.000+02:00

So sit ek in Grahamstad by 'n tafeltjie en eet die heerlike bord kos wat ek by die maer, pimply seuns van die Hare Krishna-stalletjie gekoop het.
Ander mense kom sit ook by my tafeltjie, maar ignoreer my.
Daar word by die mense voor my, langs my, agter my gebedel, maar nie by my nie (ek gee nie om nie).
Die een mens na die ander kom deel "asseblief-kom-kyk-ons-show" pamflette uit aan al wat leef en beef - maar nie aan my nie.
Die Hare Krishna wat die kort strooitjie getrek het, probeer hul literatuur aan al wat asem haal verkoop, maar kyk by my verby.

Die Hoof van die Huis kom terug van sy (uiters produktiewe) rondte deur die voedselstalletjies. Ek vertel hom van die vreemde fenomeen waar almal my ignoreer.Sy reaksie is om homself half simpel te lag en te besluit dat ek onsigbaar is.

Net daarna - ek lieg nie, onmiddelik daarna - kom nog iemand verby, leuen bo-oor my en gee vir die Hoof van die Huis 'n hand vol pamflette.

In die reeks wat ek besig is om te lees, het hekse die vermoë om hulself onsigbaar te maak. Hulle verdwyn nie, hulle ont-fokus hulself net. Mense sien hulle, maar registreer nie dat hulle iemand gesien het nie. Tiffany Aching doen iets soortgelyks.

Dit is dus moontlik dat my onsigbaarheid 'n vreemde oorblyfsel van my Wiccan dae is.

Ongelukkig weet ek wat die ware rede is, en dit baie meer sinister* as blote heksery.

*Dis in die HAT. Ek't gekyk.

Beeline

2007-07-02T11:09:00.000+02:00

My gunsteling-gunsteling deel van die jaarlikse Nasionale Kunstefees op Grahamstad, is die heerlike bord kos wat ek vir R20 by die Hare Krishna's se stalletjie koop.
Ek wonder of mens hul resepte êrens kan kry?

Kameelperde is my gunsteling

2007-06-26T10:02:00.000+02:00

Ek hou ook van buffels.

En renosters met oulike babatjie renosters.

En vreemde grafte in wildparke.

Waarvan ek nie hou nie, is ploerte wat al die pad ry om in wildparke te gaan braai/ piekniek hou en dan hul musiek so hard sit dat dit oor die vlaktes weergalm.

Waar ons voorheen rustig gesit en kyk het na die vlakvarkies wat tussen die karre kom

skoffel, word ons nou vergas met die Crazy Frog, boeremusiek en die jongste kielie my mielie treffers.

Sug.

Deep-Sea Blowfish

2007-06-23T17:02:00.000+02:00

(Opgedra aan Salige Rus se Tuna-en-mayonaise-toebroodjie-sonder-mayonaise.)

Deep-Sea Blowfish

(The Easy Version - not requiring years of training)

SERVES 2 AS A STARTER

1 deep-sea blowfish

50g sea bream or other white fish, absolutely fresh, filleted

3-4 radishes

2-3 spring onions

a few sprigs of watercress

an eggcup full of light soy sauce to use as a dip, mixed with:
1 teaspoon mustard or
2 teaspoons lemon juice or
1 clove garlic, crushed

THE MOST IMPORTANT thing here is not to use any of the blowfish whatsoever, since every single part of it is deadly in a very unpleasant way. Basic'ly, they'd be able to bury you in an envelope. So, after covering all work surfaces, dispose of the blowfish very carefully. Better yet, get someone else, perhaps someone you don't like very much but who doesn't owe you money, to dispose of the blowfish. An incinerator would be an ideal place, provided the smoke is blowing in the direction of unnecessary people.

Of course, you might ask why bother to obtain a deep-sea blowfish at all? Well, if you do not, the dish will still be very pleasant. But it will not have that delicate frission, as they call it, which lifts the dish to gastronomic heaven. Connoisseurs claim the can tell by the taste if a blowfish has been anywhere near the kitchen on the day of preparation, and woe betide the chef who just couldn't be bothered to go out and buy one. They say the dish knows there's been a blowfish nearby.

I heard where some wizards reckon that the blowfish business is a bt like that idea that water remembers what's been in it. That's pretty clever. But when you think of some of the things people have put in water, and then remember that water goes round and round, maybe it's best to drink beer.

My feelin' is that people know the dish is a genuine blowfish dish when they've been charged $100 for it. If some food wasn't so expensive, no one would eat it.

Lees die res van die resep in Nanny Ogg's Cookbook.

Die lewe is saai en vervelig sonder Die Lammervanger

2007-06-22T16:54:00.000+02:00

Hy sou bv. vir ons kon vertel presies wat 'n kokkegiet is en hoe mens dit tussen jou tone uitkry.
Moontlik met foto's.
Maar nou's hy weg, besig om die wêreld te red.
Sug.

Weg

2007-06-18T15:48:00.000+02:00

Ek is vir so 'n paar daggies uitstedig.
Daarna het ek twee weke verlof! (Jippee!)
Miskien blog ek.
Miskien lê ek in die bed en grawe kokkegiete tussen my tone uit.

Vadersdag Blues

2007-06-18T14:19:00.000+02:00

Ek is nie in die gewoonte om vir my ouers geskenke te koop vir Moeders- of Vadersdag nie. In plaas van 'n geskenk, bel ek hulle en vertel vir hulle hoe wonderlik hulle is. Soms jok ek.
Die magdom opsies vir Vadersdag het my egter laat wonder: wat gee jy vir jou pa as hy nie drink, dobbel of gholf speel nie? Nog 'n nare gevolg van seksisme, die steriotiep dat pa's emosioneel afwesige degenerates is.
Gelukkig is daar altyd nog die opsie van 'n das. Of 'n sakdoek. Of sokkies.

Ek glo, daarom is ek [deurmekaar]

2007-06-15T13:38:00.000+02:00

Ek wonder nogal oor die idee dat godsdiens vir ons moet "werk".
Dit voel vir my so al asof ons selfs verbruikers van godsdiens is.

My godsdiens "werk" beslis nie vir my nie. Soms troos dit my, maar meestal pla dit my, challenge dit my, trek dit my uit my sekerhede en tevredenheid uit, daag dit my uit, jaag dit my soos die tadisionele "hond van God". Maar ek kan myself eenvoudig nie help nie - dit bly deel van my (worstelende) wese. Dis wie ek is. Of eerder: wie ek word. Dis vervleg met my wese. Dis die storie waaraan ek behoort.

Ek wil dit geen ander manier hê nie.

2007-06-14T11:14:00.000+02:00

"When one tugs at a single thing in nature, one finds it attached to the rest of the world".
John Muir

Groenie

2007-06-12T14:06:00.000+02:00

As almal op die planeet soos ek geleef het, sou ons 3.1 aardes nodig gehad het.
Wat is jou Ecological Footprint?

Alweer PostSecret Tyd

2007-06-11T13:42:00.001+02:00

Een van die goed wat my ON-GE-LOOF-LIK aftick, is die feit dat gays nie mag bloed skenk nie. Vigs diskrimineer nie! (En in Afrika word Vigs in elkgeval meerdendeels heteroseksueel oorgedra. So there.)

Midweek Breek

2007-06-08T10:48:00.000+02:00

Ai, dis swaar om wit te wees in SA.

Hoe jy weet ons is nice mense

2007-06-06T07:13:00.000+02:00

Ons het baie boeke in die voorportaal.
En katjies.

Depressing PostSecret

2007-06-04T22:29:00.000+02:00

Spesiaal vir Die Zuit

2007-05-30T14:26:00.000+02:00

Goeie nuus! Swaarkry vir altyd verby! Nooit hoef jy weer met enige probleem te sukkel nie! Onaangename kollegas? Psjt! Een spuit en hulle verdwyn in 'n wolkie geurige walms. Huweliksprobleme? No problem! Psjt! Sukkel om te fokus? Psjt! 'n Hoop strykgoed in die spaarkamer? Psjt! Ongemak met honger kindertjies wat by jou motorvenster bedel? Pluk jou botteltjie uit, spuit in die kind se rigting en hongersnood verdwyn soos aromatiese mis voor die son.

Okay, duidelik oordryf ek. Hier's die waarheid:

Sukkel om oor jou traumatiese mishandelde kinderdae te kom? Gebruik Angel of Liberation - Turquise Spray: "This Angel liberates us from anything in the past that holds us back. Setting you free. It opens the connection to crystals& dolphins. And releases blocks when working with computers."
Bekommerd en bang vir die booswigte wat by jou huis wil inbreek en jou wil aanrand? Die Blue Flame of Divine Protection is jou antwoord. "This spray is for absolute protection, and creating a new reality. It raises the spirit and brings in understanding and appreciation."

Die volledige Angels of Transformation reeks hier hier beskikbaar.

The Angel sprays are for space and energy revitalizing and clearing.
They create a link between the conscious and sub conscious mind, alleviating any blocks in the flow and inviting the protection of the Angelic Realm.
When using them hold this focus, calling in the unseen support and know that it is so.
Spray above the head and onto the chest area and allow the fragrance to gently wash through your energy field.
For clearing negativity from a room simply spray around the room, again asking for the Angelic guidance when doing so.

Genoeg is genoeg!

2007-05-29T13:49:00.000+02:00

Nee, dis nou sommer nonsens die. Mense pleit dat ons moet vegetariërs word, want dis wreed om diere te eet. Die arme goed (diere) hou nie daarvan nie.
Maar niemand gee om vir seediere nie (sommige gee wel om vir dolfyne, wat blykbaar die IK van goudvisse het* en walvissie). Eet maar daai seekossies, mossels het nie gevoelens nie. Jy sal selfs kan vis eet in die hemel!

Genoeg is genoeg, sê ek!

Vandag is dus die amptelike stigtersdag van S.U.S.H.I. (Seedier Uitwissing Stop HIer**).
Staan op vir seediertjieregte! Seediere het ook siele!
My vissies het persoonlikheid!***

* baie min.
** dankie fredddddels
*** gehad, voordat hulle gevrek het.

Lesse uit Sentraal

2007-05-28T13:04:00.000+02:00

By hierdie tannie het ek die Afrikaanse woord "naaier" geleer. Ek het die werkwoord geken, maar nie geweet van die skelwoord nie.
Bedags pas sy karre op.
Laatmiddag hou sy court op die sypaadjie.
Wanneer dit donker word, hang sy oor mense se heinings en kyk fliek deur hul vensters.
Ek weet nie waar sy woon nie, maar ek is seker sy regeer daar ook.

Painful 2b Beautiful

2007-05-25T12:06:00.000+02:00

So sit ek vanoggend 'n stukkie van die "Tyra Banks Show" [ja, ek weet] en kyk terwyl ek ingedagte my koffie drink. Tyra gesels met mense wat hul tone laat korter maak en kollageen in hul hakke laat inplant sodat hulle met gemak hoëhakskoene kan dra.
Die plastiese chirurg help ons om hierdie fenomeen te verstaan: "We can't change fashion. But we can help women to have the freedom to wear what they want."
Inderdaad. Ons kan nie die mode verander nie, maar ons kan ons tone afsny.

(Die mees erudiete gesprekke oor lywe en lyflikheid vind tans by Oppietrap plaas. Terwyl jy daar is kan jy sommer ook vertel wat jou vagina sou sê as sy kon praat.)

Sensuele Skoonheid

2007-05-24T11:42:00.000+02:00

My "amen" op Salige Rus se "Iets mooi in 'n rowwe wêreld".

Foto's deur GaryP.

PostSecret Oorsig

2007-05-23T12:22:00.000+02:00

Van logies...
Na aangrypend...
Na inspirerend...

Die lewe in 3-sekonde soundbites.

Niks nuuts onder die wolke

2007-05-22T15:18:00.000+02:00

Hierdie post verwys.
Elke jaar spoel ons weg.
Elke jaar gaan die krag af.
Elke jaar gaan staan jou kar omdat die water in die pad tot by die kar se onderstel kom.
En elke jaar is ons verbaas.

Magspel

2007-05-17T13:47:00.000+02:00

Ek ken mense.
En as ek nie mense ken nie, dan ken ek mense wat mense ken.
Nog vrae?

Die Kersie in my Venster

2007-05-16T14:40:00.000+02:00

Ek kry gister 'n SMS wat vra ek moet 'n kers in 'n venster laat brand sodat Madeleine McCann gevind kan word. "Wie??", was my eerste reaksie. Toe onthou ek: "O ja, oulike grootoog blondekop Britse dogtertjie wat in Spanje ontvoer is."

Ek dink dis skreiend en tragies dat sy ontvoer is.
Ek dink dis skreiend en tragies dat daar jaarliks in Suid-Afrika tussen 800-900 kinders as vermis aangemeld word.
Ek dink dis skreiend en tragies dat niemand my daaroor SMS nie.

En ek wonder - hoekom SMS niemand my oor al die ander kindertjies nie?
Is dit omdat hulle nie pragtige blondekop grootoog kindertjies is nie?
Is dit omdat hul ouers nie toegang het tot die tegnologie wat kan help om oulike videos te versprei sodat die wêreld se harte kan sag word nie?
Is dit omdat ons genoeg ekstra kindertjies in Afrika het?
Is dit omdat hul ouers nie regtig omgee nie?
Kan dit wees omdat hul ouers nog nie daaraan gedink het om vir David Beckham te vra om op TV te verskyn ter wille van hulle kinders nie? (Dalk het hulle nie sy telefoonnommer nie.)
Hoekom bied Beckham nie aan om ook vir hul kinders te pleit nie?

As ek 'n kers in 'n venster laat brand, sal dit wees vir die mense wat ek ken wat daagliks 'n tuiste probeer skep vir straatkinders. En vir dié wat ek nie ken nie.
En vir die ander vermiste kindertjies die wêreld oor.
En vir hul ouers.
En vir dié wat die kinders probeer vind.
En vir 'n wêreld wat nie ewe ontsteld is elke keer as 'n kind vermis/ ontvoer/ vermoor/ verkrag word nie.
En vir Madeleine McCann.

Gaap

2007-05-14T16:47:00.001+02:00

Legacy

2007-05-13T16:50:00.000+02:00

Ek het eenvoudig my ma se prentjie ingekleur.

A quote is as good as a thousand words

2007-05-11T11:43:00.000+02:00

"When an actress takes off her clothes onscreen but a nursing mother is told to leave, what message do we send about the roles of women? In some ways we're as committed to the old madonna-whore dichotomy as ever. And the madonna stays home, feeding the baby behind the blinds, a vestige of those days when for a lady to venture out was a flagrant act of public exposure."
Anna Quindlen

Balderdash

2007-05-09T11:48:00.000+02:00

idiwidi het my weer laat onthou:

Ek is briljant met hierdie game. (Hoofsaaklik, vermoed ek, omdat ek nog net teen kinders gespeel het.)

"A clever repackaging of the parlor game Dictionary, Balderdash contains several cards with real words nobody has heard of. After one of those words has been read aloud, players try to come up with definitions that at least sound plausible, because points are later awarded for every opposing player who guessed that your definition was the correct one."

Dalk kan ons almal dit speel wanneer ons eendag in 'n tehuis vir bejaarde bloggers woon.

So, who's the dominant species then?

2007-05-08T17:15:00.000+02:00

'n Vriendin beweer, nadat sy drie kakkerlakke vir drie minute op maksimum in die mikrogolfoond genuke en hulle daarna doodluiters met hul lewens aangegaan het, dat kakkerlakke die potensiaal het om die dominante spesie op ons planeet te word. Hulle moet nog net die hele "opposible thumbs" ding uitwerk, dan is dit verby met ons.

Ek verskil van haar. Ek dink katte is die dominante spesie. Reeds. Die feit dat ons dit nog nie besef het nie, getuig bloot van ons naïwiteit en van katte se onderduimsheid.

"Die Koninkryk van God is juis vir mense soos hulle" II

2007-05-04T12:13:00.000+02:00

WAARSKUWING: Die volgende is nie vir sensitiewe kykers nie.

View this on LiveDigital

Een van die redes hoekom ek 'n Christen is en sal bly, is omdat ek glo dat die Koninkryk van God nie so lyk nie.

Uitstedig

2007-04-29T18:05:00.001+02:00

Ek hang vir so paar daggies in OppieTrap se stad stad uit.
Miskien kom dit tot iets.
Miskien kom dit tot niks.
Beide sal goed wees.

Wellustig in die Tagtigs

2007-04-27T17:18:00.000+02:00

Gepraat van musiek (en geïnspireer deur die Lammervanger se treffersparades)...

Toe ek 'n tiener was, was Alannah Myles se Black Velvet vir my dié sexyste liedjie denkbaar.
In die negentigs was dit D'Goya se I Go To Bed.
Deesdae vind ek dat musiek nie meer dieselfde effek op my het nie (hoewel ek steeds dink dat beide liedjies baie sexy is). Ek wonder wat het verander?

Draagbare rus vir die siel

2007-04-26T16:45:00.000+02:00

Ek het 'n tydjie gelede Arvo Pärt se Alina gekoop. Nou dra ek dit oral met my saam en luister dit stukkend. Dis in presiese resonansie met my siel. Luister dit en voel hoe die musiek van jou 'n beter mens maak!

"Arvo Pärt's Alina follows a simple-enough formula. Two stark instrumental works from the master of holy minimalism repeat each other, each time slightly different. But the blissful results--quiet, haunting, and thoroughly hypnotizing--meld to create one of classical music's best albums of 2000. It's as intense and sublime as contemporary classical music can be. --Jason Verlinde"

Ek sterf op Donderdag, 30 Januarie, 2048

2007-04-25T10:13:00.000+02:00

As jy wonder hoeveel sekondes jy nog het om te leef, gaan kyk hier.

Vyf Dinge

2007-04-24T17:03:00.000+02:00

Johan het dit weer begin. Ek weet van reaksies hier en hier en hier en hier en hier. Dus, 5 goed wat niemand wat hier lees van my weet nie:

1. Ek het nie geheime nie.

Gelukkig was dit gratis

2007-04-23T23:39:00.000+02:00

Ek was vandag by 'n lesing waar daar o.a. gesê is

"Mans gee om te ontvang. (So gee hulle byvoorbeeld ook hul saad en ontvang 'n nageslag.)
Vrouens ontvang om te gee."

Aaaaag kak man! Die tipe mans wat hierdie twak kwytraak en glo, doen dit net om hulleself beter te laat voel oor hul eie selfsugtigheid.

Wat is geel en lê in 'n bedjie?

2007-04-19T12:01:00.000+02:00

'n Siek suurlemoentjie.

(Dis my gunsteling grappie, asook die rede waarom ek vandag by die huis is.)

Bibliofiel

2007-04-18T12:40:00.000+02:00

Ek wil ook hierdie boek hê:

En hierdie een:

The Fisher King and the Handless Maiden

2007-04-18T12:13:00.000+02:00

Ek het járe gelede "The Fisher King and the Handless Maiden" gelees, maar dit glad nie verstaan nie. Ek wonder of die tyd nie nou aangebreek het om dit weer te probeer nie?

"In this book Robert A. Johnson juxtaposes the wounded Fisher King from the Parsifal myth and the Handless Maiden (a tale interpreted by Clarissa Estés in Women Who Run with the Wolves and by Marion Woodman.)

The fisher king wound is in the male, generative, creative part of a man’s being. The wounding of the feeling function is the price we have paid for the cool, precise, rational and scientific world we have won at so high a cost. The wounded person finds live bearable only when engaged in some contact with the unconscious, through activities like poetry, artistry, teaching and healing. They do not heal the dreadful wound, but they make life bearable while one makes his way to the true healing.

The handless maiden’s wound is also in her generative and feeling part, but it results in an inability to do in the world. This may be due to patriarchal culture, but as Marion Woodman points out, a woman’s inner masculine can be as great a tyrant as any man! She loses her hands after her father makes a bargain with the devil for material wealth. Similarly, our materialistic, machine culture is destroying the woman and the man’s inner feminine. To gain a bargain, like material comfort and luxury, at the expense of some inner value is extremely dangerous.

The solution is to take the suffering inside as an interior event, instead of blaming other people or institutions for the problem. There, we can work on it and undertake our process of healing."

Foto, soos beloof

2007-04-17T16:03:00.000+02:00

Moet nét nie dat die oënskynlike onskuld/rustigheid jou flous nie.

Ek verkies privaatheid.

2007-04-16T14:33:00.000+02:00

Blykbaar is daar oor my gepraat op radio sonder mense.
Gmph.
As ek beroemd/berug wou wees, sou ek 'n joernalis geword het.

My ma se kind se kat

2007-04-14T05:23:00.000+02:00

Ek het uiteindelik katjies gekry. Twee. Voorlopige naam van "Nala" en "Impi" onderskeidelik. [Foto sodra albei lank genoeg stilsit.]
Ek het minstens drie goed geleer:

1) Maak nie saak hoeveel keer jy in die nag 'n katjie van jou bed afgooi nie, sy/hy sal altyd terugkeer om te hap aan jou oor/neusgat/bors/elmboog/boud/toon*.
2) As jy oulik genoeg is, kan jy met bykans* enigiets wegkom.
3) My besluit om nie kinders te hê nie, was die regte een.

*Ek leef in opgewonde afwagting vir die oomblik wat een van hulle die hoof van die huis aan die voet beetkry. Is sommer reeds histeries van die lag. Die hoof van die huis beweer dit gaan nie snaaks wees nie, maar tragies: in 'n breukdeel van 'n sekonde sal daar 'n nat rooi kol teen die plafon verskyn. Ek weet darem nie... ek dink nog steeds dis vrek snaaks.

Oppietrap

2007-04-13T13:50:00.000+02:00

Vir diep nadenke oor spiritualiteit, teologie en menswees, asook van die mooiste foto's op die blogosfeer (waar kry sy die goed?) gaan kyk hier.

Markus 5

2007-04-12T17:49:00.000+02:00

Hulle het oorkant die see in die land van die Geraseners aangekom. Net toe Jesus uit die skuit klim, het daar van die grafte af ‘n man met ‘n onrein gees Hom tegemoet gekom.

Die man het tussen die grafte gebly. Niemand kon hom selfs met ‘n ketting vasbind nie, want hulle het hom al dikwels met voet-en handboeie vasgemaak, maar dan ruk hy die handboeie uitmekaar en skop die voetboeie stukkend. Niemand kon hom baasraak nie. Hy was dag en nag aan die skreeu tussen die grafte en in die berge, en dan kap hy homself met klippe.

Hy het Jesus al van ver af gesien en nader gehardloop. Hy het voor Hom neergeval en hard geskreeu: "Wat het U met my te doen, Jesus, Seun van God die Allerhoogste? Ek smeek U: In Gods Naam, moet my nie pynig nie!" want Jesus het vir hom gesê: "Onrein gees, gaan uit die man uit!"

Jesus het hom toe gevra: "Wat is jou naam?"

"My naam is Legio," antwoord hy Hom, "want ons is baie."

Die man het Hom toe ernstig gesoebat om hulle nie uit die landstreek uit weg te stuur nie. Daar naby teen die berg het ‘n groot trop varke geloop. Die onrein geeste het Hom toe gesmeek: "Stuur ons na die varke toe, sodat ons in hulle kan invaar!"

Hy het hulle dit toegelaat, en hulle het uitgegaan en in die varke ingevaar. Die hele trop van omtrent twee duisend het op loop gesit teen die hang af, die see in, en hulle het versuip.

Ongeveer tweeduisend jaar later roep nog 'n onrein gees: "My naam is Legio, want ons is baie."

Hierdie keer is Jesus nêrens in sig. Tog het niemand enige rede tot kommer nie! Nicolas Cage is daar en hý het 'n haelgeweer.

Koebaai Legio.

Geseënd

2007-04-04T12:03:00.000+02:00

Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.
Die hoogtepunt van Paasfees is nie die sjokolade nie.

Maak die wêreld vandag nog beter.

2007-04-02T13:06:00.000+02:00

www.freehugscampaign.org

Vir Salige Rus.

Pratchett Aanhalings is Altyd Relevant

2007-03-30T10:20:00.000+02:00

“There may be a lot of things I’m not good at, but at least I don’t treat the punctuation of a sentence like a game of Pin the Tail on the Donkey…” Commander Samuel Vimes

"Ankh-Morpork people considered that spelling was sort of an optional extra. They believed in it in the same way that they believed in punctuation; it didn't matter where you put it, so long as it was there."

Voorbeeld.

PostSecret

2007-03-29T13:35:00.000+02:00

Ek gebruik gou oor middagete my sekretaresse se rekenaar.

2007-03-28T12:14:00.000+02:00

Hierdie post en hierdie een verwys.
Derde hardeskryf in nege maande.

Sig op Einde

2007-03-26T12:59:00.000+02:00

Brain is nou heeltemal moeg getrek. Wanneer kan die dak tog natgemaak word?

Nuuskuns

2007-03-22T16:04:00.000+01:00

Soms verskyn daar prentjies in die Afrikaanse dagpers wat 'n saak net so ráák saamvat.

Hierdie prentjie deur ene Morné Schaap was in een of ander koerant.

Ek het dit gehou.

Alles wat ek nodig het om van die lewe te weet, het ek van 'n pakkie suiker geleer.

2007-03-22T12:58:00.000+01:00

Spesiaal vir Freddy.

Mystic

2007-03-20T12:00:00.000+01:00

Brain besig om oor die Skrif te mediteer

Onder leiding van Willem Nicol kon ek verlede week weer vir 'n paar dae fokus op die kontemplatiewe* Christelike tradisie. Tussen lang stiltes deur het ons geleer van Skrifmeditasie en Lectio Divina, die sogenaamde "Gebed van die Hart" (ook bekend as "Centering Prayer"), die "Daaglikse Bewussein" van St Ignatius en die "Jesus Gebed" (wat binne die Ortodokse tradisie natuurlik deel is van die Gebed van die Hart).

Een van my dominee-vriende (nie freddy nie) het my eendag daarvan beskuldig dat ek paninteïsties is. Ek weet nie lekker wat dit beteken nie, maar as dit beteken dat ek glo God is in alles (hoewel alles nie God is nie), dan dink ek dis 'n kompliment. Dit beteken ook dat ek mooi gereformeerd is volgens die Nederlandse Geloofsbelydenis se algemene genade.

Ewenwel, die retrait was vir my 'n bevestiging van my spiritualiteit, waarin die kontemplatiewe tradisie natuurlik 'n belangrike rol speel. Ek kan egter nie die invloed van die keltiese tradisie onderskat nie. Van die heiligste oomblikke was terwyl ons in die veld rondgery het, terwyl ek gekuier het met mense vir wie ek lief is.

God is inderdaad in die stilte. God is ook in die renosters. En in die vriende.

* Ja, ja. Check the worry in my eye.

Statistiek

2007-03-20T11:53:00.000+01:00

Ons behoort binne die volgende 24 uur te weet of 'n derde kennis van my vermoor is.
Ons bid nog dat dit nié die geval is nie.

Retraite

2007-03-16T10:50:00.000+01:00

Die plek waar die retriate was.

Die kerkie waar ons gemediteer het.

Kameelperde mediteer nie.

Renosters ook nie.

Ek sal volgende week bietjie vertel van die retrait self. Nou gaan ek eers huis toe vir 'n vroeë naweek wat ek af het!

Leef nog

2007-03-09T13:09:00.000+01:00

Ons is gelukkig nie gisteraand deur Nigeriërs vermoor nie.
Phew.

In onverwante nuus gaan ek volgende week van Maandag tot Donderdag op 'n retreat. Ek kan nie wag nie (en nee, nie omdat dit beteken die hoof van die huis moet al die uitpakwerk doen nie).

Trek

2007-03-07T15:22:00.000+01:00

Koos Kombuis sing: "Almal wil 'n huisie by die see hê".
My sewe jaar in die paradys kom môre oggend om 8:00 tot 'n einde wanneer die vragmotor ons goedjies kom skuif na die einste Sentraal waaroor Special Assignment so aangaan.

Platteland

2007-03-04T15:20:00.000+01:00

Vars lug, reuse ou huise met honderde jare se karakter, hoenders wat kraai, die klank van 'n vendusie wat oor die vlaktes trek, springbokkies in die agterplaas... Ek dink die platteland is wonderlik. Die beste deel is egter die feit dat ek net vir vergaderings en vakansies daarheen moet gaan en nie daar hoef te woon nie.

Ek't nie gespot oor die springbok nie.

"Marike de Klerk Sentrum" (Jammer, ek moes die foto in die ry neem.)

Sien? Marike de Klerk Sentrum

My Agterplaas

2007-03-01T13:25:00.000+01:00

Happy un-birthday to me!

2007-02-28T10:57:00.000+01:00

Danksy die vyf mense wat op die ou end 'n bydrae gemaak het tot die Koop-vir-Maeree-'n-nuwe-kamera Fonds (asook die hoof van die huis se kredietkaart) het ek 'n splinternuwe kamera.

Hier is een van die eerste foto's wat ek met my nuwe kamera geneem het:

Die kar wat voor ons ingery het. Nommerplaat CJL 338 EC.

Nog bloed en binnegoed, enigiemand?

2007-02-27T14:07:00.000+01:00

Vandag wonder ek oor baie dinge.

Ek wonder of "The Passion of the Christ" vir Mel Gibson 'n nuwe voorliefde vir bloed en binnegoed gegee het.

Ek wonder of die akteurs van Apocalypto maar mense is wat in Hollywood rondhardloop.

Ek wonder watter taal praat hulle in Apocalypto.

Ek wonder hoekom Gibson dié fliek gemaak het.

Ek weet ek kan hierdie inligting seker êrens in cyberspace opspoor, maar ek is nie nou lus nie.

Kristen

2007-02-27T08:56:00.000+01:00

Hierdie post hou verband met hierdie een.
Connect the dots. . .

Lessie

2007-02-26T10:18:00.000+01:00

Wanneer jy iemand op 'n selfoon skakel en jy ontdek dis die verkeerde nommer, vra om verskoning en sit die telefoon neer. Jy mag dan nog een keer weer die verkeerde nommer skakel, net om seker te maak jy't nie dalk die knoppies verkeerd gedruk nie. Maar jy mag nie nog veertig keer dieselfde nommer skakel nie.

Verder, as die persoon wat die telefoon antwoord vir jou sê hulle is nie die Ocean Basket in Nelspruit nie, glo hulle. Maak nie saak hoeveel keer jy vir hulle sê hulle is die Ocean Basket in Nelspruit nie, hulle gaan nie ewe skielik in die Ocean Basket in Nelspruit verander nie.

Ek kan my oë nie afhaal nie

2007-02-23T08:04:00.000+01:00

Die hoof van die huis het 'n nuwe bril gekry. Baie sexy. (Ongelukkig kan ek nie 'n foto plaas nie, aangesien nog net twee mense 'n bydrae gemaak het tot die Koop-vir-Maeree-'n-nuwe-kamera Fonds.)

Wat bietjie afbreek doen aan sy nuwe sexy look, is sy nuwe gewoonte om aanhoudend te sê: "Ek is soos die Son: Ek Sien Alles."

Sug. So word ek gefolter.

Voorneme

2007-02-22T07:58:00.000+01:00

Ek gaan voortaan probeer om nie skuldig te voel oor goed wat ander mense my aandoen nie. Dis dieselfde siek sindroom wat veroorsaak dat mense wat verkragting oorleef, dink dit was op 'n manier hulle skuld. Of hoekom mishandelde vroue dink hulle verdien dit.
Vandag begin my bevryding. As ek gedoen het wat ek moes en wat ek kan, gaan ek nié skuldig voel oor ander se verwagtings nie. Ek gaan nie die leuens wat ander vir my oor my vertel, glo nie. Ek mag mishandel word, maar ek is waaragtig nie 'n slagoffer nie.

Gril

2007-02-21T08:31:00.000+01:00

Spesiaal vir Lammervanger.

Ek het dit vantevore gesê, ek sê dit weer

2007-02-20T12:14:00.000+01:00

Is ek al mens op hierdie aarde wie se ma haar geleer het om mense nie voor 9:00 in die oggend te bel nie?

Ek meen, watter beskaafde mens bel 'n ander beskaafde mens 6:40 IN DIE OGGEND en vra "kan ons asb daai wynrooi kussings leen"? Dit is twintig voor sewe in die oggend!

Voortaan gaan ek my selfoon afsit. Geeneen van die oproepe wat ek al ooit op onbeskaafde tye ontvang het, was 'n noodgeval nie. Selfs die oproep om 6:00 (in die oggend) op nuwejaarsdag 2001 was nie 'n noodgeval nie. As jou vrou jou drie dae terug gelos het, kan jy gerus nog drie ure wag. Of nog ses, synde dat die vorige aand oujaarsaand was.

"Die koninkryk van God is juis vir mense soos hulle..."

2007-02-15T07:45:00.000+01:00

(www.jesuscampthemovie.com)

Gelukkige Valentynsdag

2007-02-14T11:13:00.000+01:00

Ek is 'n gróót aanhanger van romantiese liefde. Ek is trots op die feit dat ek en die hoof van die huis siniese mense met een oogopslag kan laat kots.

Dis ook die rede waarom ek dink PostSecrets soos die een hierbo is tragies. Mense kan mekaar nie fix nie. As jy verwag dat jou partner jou moet fix, gaan jou verhouding(s) jou net ongelukkig maak. Die geheim van 'n gelukkige verhouding, dink ek, is juis dat beide partye rééds gefix is, dat hulle nie nodig het om mekaar se sielkundiges/dokters te wees nie.

(Dankie aan die TWEE persone wat 'n donasie gemaak het tot die Koop-vir-Maeree-'n-nuwe-kamera Fonds.)

Droogte

2007-02-13T10:16:00.000+01:00

My geliefde digitale kamera wat die hoof van die huis vir my dertigste verjaardag vir my gegee het [sê dit sonder om asem te haal], is stukkend. Ek het nie besef hoe afhanklik ek van dié stukkie tegnologie was nie - of hoe nou digitale kameras en blogs aan mekaar verbonde is nie. Sug.
Ondersteun die "Koop-vir-Maeree-'n-nuwe-kamera Fonds".

So wê!

2007-02-11T14:56:00.000+01:00

Die dominee het vandag gepreek oor Jesaja 6 en verwys na die serafs wat hul voete bedek. Voete, sê hy, is 'n metafoor vir geslagsdele.
Hah!
Ek wen en almal wat Rut se "reinheid" wou beskerm, verloor.

Scream your last breath

2007-02-07T08:51:00.000+01:00

Ek hou van grillers. Ek weet hul trefkrag lê in my vermoë om te weet dis nonsens met 'n swak (ongeloofwaardige) storielyn en swakker special effects.

Maar so af en toe is daar 'n fliek soos "The Descent".

"A caving expedition goes horribly wrong, as the explorers become trapped and ultimately pursued by a strange breed of predators."

'n Mens lees die opsomming en verwag heerlike prul. Maar jy kry soveel meer: geloofwaardige karakters, vroue wat gatskop op 'n besonder indrukwekkende wyse, engtevrees én die tradisionele monsters wat mense eet.

Selfs nog voordat die monsters verskyn, het die fliek reeds geslaag daarin om jou hartklop op te jaag. Ek, wat nie engtevrees het nie, het skoon gesukkel om asem te haal.

Die beste PostSecret nóg!

2007-02-06T08:36:00.000+01:00

Rapport

2007-02-04T18:22:00.000+01:00

Aan wie dit mag aangaan:
Stellenbosch staan nog en is gelukkig nie so erg warm nie.
Die Wes-Kapenaars is nog dieselfde.

Kerk by jou werk

2007-01-31T09:05:00.000+01:00

Ek is 'n aanhanger van die sg "Alt.worship" beweging, wat in Europa uit die Rave-kultuur en in Australië uit die Coffee Shop kultuur ontstaan het. Tyd sal nog leer hoe dit in Afrika gaan lyk.
Intussen kan jy 'n draai gaan maak by die online labyrinth.

O die wysie

2007-01-30T09:38:00.000+01:00

Elke keer wat ek hoor

De la Rey, De la Rey
sal jy die boere kom lei
De la Rey, De la Rey

Hoor ek in my agterkop (en sing ek daarna)

Kabeljou Kabelmy
Kabel sal-jy-met-my-vry
Kabelmy Kabeljou
Kabel sal-jy-met-my-trou

Ek wonder of Koos sal omgee?

Siesa

2007-01-29T12:45:00.000+01:00

Ek kry tot vandag toe nog koue rillings net van die prentjie.

Bek + Jêm

2007-01-26T12:40:00.000+01:00

Ek is nie 'n Insig fan nie. Voel vir my te veel na 'n mondstuk vir die angs van die neo-konserwatiewe Afrikaners wat hulself sien as tog, o, só liberaal.*

Do Kwang het my egter geïnspireer om weer 'n uitgawe van dié tydskrif te lees.

Sommer op bladsy 9 al het my tone gekrul van lekkerkry terwyl ek kliphard lag. Respek vir die redakteur en haar moed om "Joe se seepkis" te plaas.

My gunsteling:

"As ek president van hierdie land was... sou ek weer die doodstraf instel, maar slegs vir witmense (hulle wil dit mos graag terughê). "

*Waarmee ek niks sê oor die joernaliste wat vir die Insig skryf nie, eerder oor (my persepsie van) die "target market". Ek hou van joernaliste. Van my beste vriende is joernaliste.

Happy un-birthday to meeeeee!

2007-01-24T13:07:00.000+01:00

Gister in die pos gekom:

Ek HAAT spinnekoppe.

2007-01-24T10:17:00.000+01:00

Spiderman: "You are intelligent, witty, a bit geeky and have great power and responsibility."

Dankie Adam.

Het jy geweet...

2007-01-23T07:30:00.000+01:00

Mense wat ander aanvaar, is aanvaardend, nie aanvarend nie. Aanvarend is 'n skip wat aangevaar kom.
Aanvallend is iemand wat skoorsoek oor nonsens.

Conundrum

2007-01-19T15:08:00.000+01:00

Ene Dirkie Smit sê dat daar 7 verse in die Bybel is oor homoseksualiteit, terwyl bykans elke bladsy van die Bybel praat oor ekonomiese geregtigheid. So waarom is daar nie massa-histerie oor ekonomiese onreg nie?

Ek dink hierdie ou is ernstig...

2007-01-16T10:44:00.000+01:00

Jy kan ook jou waaier se verkoelingskrag vermeerder met gepatenteerde yspakkies!
Jou eie frostyfanpack!

Nog

2007-01-13T10:08:00.000+01:00

Maeree kan ook diep wees.

2007-01-11T09:59:00.000+01:00

Okay, ek is dalk te dom om subtekste waar te neem, maar ek ken 'n goeie illusie as ek dit sien:

So wê.

We hate blogger beta!

2007-01-10T14:08:00.000+01:00

Today I am unable to comment on blogs using the old blogger. Wordpress is calling my name. (I am posting in English in the hope that Blogger monitors blogs for the words "blogger beta", so that they can read this and FIX IT! Or at least enable us to return to the "old blogger".)

In unrelated news, have you donated yet?

Dignity!Period.

2007-01-08T09:30:00.000+01:00

"The economic crisis in Zimbabwe dictates that ordinary women are unable to afford basic sanitary protection.

With inflation topping 1000%, a pack of sanitary pads costs £6. Currently the average monthly wage stands at £12 with a startling 80% of the population unemployed. Faced with such economic adversity, manufacturers of sanitary products have fled Zimbabwe, compounding the shortages.

As a consequence, millions of Zimbabwean women are forced to replace tampons with newspapers and dirty rags, a practice which has led to vaginal infections for which there is no available medication. Moreover, these medical infections are often falsely attributed to sexually transmitted infections leading to social embarrassment and domestic violence.

Quite apart from the serious health issues, the lack of sanitary products has far reaching implications. Families suffer from increased poverty as mothers and wives are unable to work when they have their periods. This means that they are unable to buy food and clothes or finance their children’s education. In addition girls are forced to take time off school, further jeopardising their education.

Millions of women and girls across Zimbabwe face unnecessary suffering and hardship, ACTSA campaigns to ensure that these women are afforded their most basic human rights.

ACTSA was able to gain the support of South African radio station 5FM, who by means of a listener drive raised a phenomenal 1 million donated products for the campaign. These products were loaded onto trucks with the intention of crossing the boarder into Zimbabwe for distribution to those women in greatest need. Disappointingly, the Zimbabwean government reneged on its original promise to waive import duties, delaying delivery of the products considerably and ultimately forcing ACTSA to pay duties of US$23,000.

To avoid this issue in the future ACTSA has established a partnership with the one existing manufacturer in Harare. Now products can be distributed without import cost whilst helping industry and local people. ACTA has recently purchased 40,000 sanitary products that have been distributed through the ZCTU to the most vulnerable women in Zimbabwe.

As the crisis continues ACTSA stands by its commitment to reclaim the dignity of those Zimbabwean women who are suffering physically and emotionally. To achieve this it is vital that ACTSA continues to generate awareness and raise funds to supply more sanitary products to these women."

Gee sommer vandag nog geld en moedig almal wat jy ken aan om dieselfde te doen.

Heppy Heppy

2007-01-05T10:47:00.000+01:00

Freddy sê hy dink nie 2007 gaan nuut voel nie.

Aangesien Januarie egter vernoem is na die god-met-twee-gesigte, Janus, en daarom vol is van nostalgie en hoop, kan 'n mens sekerlik van die geleentheid gebruik maak om jou wense vir die komende jaar uit te spreek.

Ek hoop om in 2007 goed te wees vir myself.
Ek hoop om in 2007 nog meer te groei in die vermoë om ander te aanvaar, om mense te respekteer vir die plek waar hulle tans op hulle reis is. En om dieselfde vir myself te doen.
Ek hoop om iets te doen aan my DPhil.

As ek gewig verloor, sal dit bloot toevallig wees. As ek begin oefen, sal dit 'n wonderwerk wees.

Dis nie meer die natuur wat roep nie

2007-01-03T09:35:00.000+01:00

Vir Ruzelda:

PORTA POTTI

Medium sized model with easy to handle waste holding tank and large capacity flushwater tank.

Specification:
* Finish: white or grey
* Flush: manual
* Integrated pour-out-spout: yes
* Waste tank capacity: 12L
* Freshwater tank capacity: 15L

As jy die nuutste uitgawe van "Caravan and Outdoor Life" koop, kan jy die nuttige artikel "Choosing a portable toilet: how to choose the correct loo for you" lees.